ხაშურის მუნიციპალიტეტის საკრებულო

განცხადება

ხაშურის მუნიციპალიტეტის გამგეობის მოხელეთა  ვაკანტური

თანამდებობების დასაკავებლად კონკურსის გამოცხადების შესახებ

1. გამოცხადდეს კონკურსი ხაშურის მუნიციპალიტეტის გამგეობის მოხელეთა

ვაკანტური თანამდებობების დასაკავებლად თანდართული N1 და N2 დანართების

შესაბამისად.

2. ერთ კანდიდატს მხოლოდ ერთ პოზიციაზე აქვს უფლება გააკეთოს განაცხადი.

კანდიდატი, რომლის მონაცემებიც არ შეესაბამება დადგენილ მოთხოვნებს,

მათ შორის სავალდებულოდ ასატვირთი დოკუმენტების ან/და ინფორმაციის

არასრულყოფილად წარდგენის შემთხვევაში, ავტომატურად მოიხსნას

კონკურსიდან.

3. კანდიდატმა ხაშურის ადგილობრივი თვითმმართველობის მოხელეთა

საკონკურსო-საატესტაციო კომისიის სამდივნოში (მისამართი – ქ. ხაშური,

ტაბიძის ქ. #2 , მეორე სართული) ან საჯარო სამსახურის ბიუროს მიერ

ადმინისტრირებული ვებგვერდის მეშვეობით უნდა წარმოადგინოს შემდეგი

დოკუმენტები:

ა) განცხადება ხაშურის ადგილობრივი თვითმმართველობის მოხელეთა

საკონკურსო-საატესტაციო კომისიის სახელზე;

ბ) ავტობიოგრაფია ან Curriculum Vitae (CV);

გ) უმაღლესი ან ტექნიკური განათლების დამადასტურებელი მოწმობის

ასლი (საკვალიფიკაციო მოთხოვნათა შესაბამისად);

დ) პირადობის დამადასტურებელი მოწმობის ასლი.

4. კონკურსში მონაწილეობის მსურველ კანდიდატთა საბუთების მიღება

მოხდეს 2013 წლის 13 ივნისიდან 2013 წლის 26 ივნისის ჩათვლით

ყოველდღიურად, დასვენებისა და უქმე დღეების გარდა.

5. კონკურსი ჩატარდება ორ ეტაპად –  ტესტირების და გასაუბრების ფორმით.

6. N1დანართით გათვალისწინებულ ვაკანტურ თანამდებობებზე  ტესტირება

ჩატარდება 2013 წლის 28 ივნისს 10.00 საათზე ქ.ხაშურის N6 საჯარო სკოლაში

N2 დანართით გათვალისწინებულ ვაკანტურ თანამდებობებზე ტესტირება

ჩატარდება  2013 წლის  28 ივნისს 14.00 საათზე.

ქ.ხაშურის N6საჯარო სკოლაში

7. კონკურსის მეორე ეტაპზე დაიშვებიან მხოლოდ ის კანდიდატები, რომლებიც

წარმატებით გაივლიან ტესტირებას ანუ დააგროვებენ ქულათა 70 პროცენტს.

გასაუბრება ჩატარდება მ/წ 8 ივლისს. ქ.ხაშური ტაბიძისN2. მეორე სართული 10.00საათზე

8. საპრეტენზიო კომისია მუშაობას წარმართავს საქართველოს პრეზიდენტის 2009 წლის

5 თებერვლის N46 ბრძანებულების  – „საჯარო თანამდებობათა დასაკავებელი კონკურსის

ჩატარების წესის დამტკიცების შესახებ“ შესაბამისად;

საკონკურსო-საატესტაციო  კომისია

დანართი N1 დაN2 იხილეთ სრულად

- ხაშურის მუნიციპალიტეტის გამგეობის მოხელეთა დამატებითი საკვალიფიკაციო მოთხოვნების დამტკიცების შესახებ

- საქართველოს კონსტიტუცია

- ადგილობრივი თვითმმართველობის შესახებ

- ადგილობრივი თვითმმართველი ერთეულის ქონების შესახებ

- საჯარო სამსახურის შესახებ

- ნორმატიული აქტების შესახებ

- საქართველოს ზოგადი ადმინისტრაციული კოდექსი

- ადგილობრივი თვითმმართველობის ორგანოების საქმიანობის სახელმწიფო ზედამხედველობის შესახებ

- სახელმწიფო შესყიდვების შესახებ

- საქართველოს საბიუჯეტო კოდექსი

- ხაშურის მუნიციპალიტეტის გამგეობის დებულების დამტკიცების შესახებ

ხაშურის მუნიციპალიტეტი საქართველოს ცენტერალურ ნაწილში, შიდა ქართლის ვაკეზე მდებარეობს. იგი სამი მხრიდან გარშემორტყმულია საშუალო სიმაღლის (900-1000 მ) მთებით. ჩრდილოეთიდან ესაზღვრება კავკასიონის სამხრეთ ფერდოებების განშტოება. დასავლეთიდან ლიხის, იგივე სურამის ქედის აღმოსავლეთით მთისწინეთი. სამხრეთიდან თრიალეთის ანუ მცირე კავკასიონის ჩრდილოეთი ფერდოებები, ხოლო აღმოსავლეთით ვრცელდება დოღლაურის ცნობილ  ველამდე.1801 წლიდან, რუსეთის მიერ საქართველოს შეერთების შემდეგ, 1917 წლამდე ახლანდელი ხაშურის რაიონის ტერიტორია თბილისის გუბერნიის გორის მაზრაში შედიოდა. 1921 წლიდან საქართველოს ახალი ადმინისტრაციულ_ტერიტორიული დაყოფის მიხედვით ისევ გორის მაზრაშია., ხოლო 1930 წლიდან დამოოუკიდებელ რაიონს წარმოადგენს. მას აღმოსავლეთით ესაზღვრება ქარელის, დასავლეთით ხარაგაულის და ბოჯომის, ჩრდილოეთით საჩხერის და ქარელის, ხოლო სამხრეთით ბორჯომის რაიონები.ხაშურის რაიონი ზღვის დონიდან 690 მეტრზე მდებარეობს. მისი ფართობი 585,2 კვ კილომეტრია და საქართველოს მთლიანი ფართობის მხოლოდ 0,84 პროცენტს შეადგენს. იგი ვრცელდება ჩრდილოეთიდან სამხრეთისაკენ 37, ხოლო დასავლეთიდან აღმოსავლეთისაკენ 22 კილომეტრზე. რაიონის საზღვრების საერთი სიგრძე 118 კილომეტრია. რაიონში ზომიერად ნოტიო სუბტროპიკული ჰავაა. იცის ზომიერად ცივი ზამთარი და ხანგრძლივი თბილი ზაფხული. რაიონის რელიეფი თითქმის ერთფეროვანია, მისი ზედაპირის უმეტესი ნაწილი ვაკეებსა და ბორცვებს უჭირავს, მხოლოდ სამხრეთი და დასავლეთი ნაწილია მთიანი. ძირითადი მდინარე მტკვარია, რომელიც გარდიგარდმო ჰკვეთს რაიონს. ნაწილი მისი შენაკადებისა თრიალეთის. ხოლო ნაწილი ლიხის ქედებიდან ჩამოედინებიან. რაიონის მცენარეულთა საფარი მრავალფეროვანია სტეპურიდან დაწყებული სუბალპურით დამთავრფებული მუნიციპალიტეტი შედგება 13 ტერიტორიული ერთეულისგან. მათ შორის  არის ერთი ქალაქის (ხაშური), ერთი დაბის (სურამი) და 11 სოფლის ტერიტორიული ერთეული (ალი, გომი, ოსიაური, ფლევი, ქვიშხეთი, ცოცხნარა, ცხრამუხა, წაღვლი, წრომი, ხალები, ხცისი), ხაშურის რაიონში მოსახლეობა 65 ათასამდეა. მისი ძირითადი ნაწილი ქალაქში და დაბაში ცხოვრობს. მოსახლეობის უმრავლესობა ქართველები არიან, ცხოვრობენ აგრეთვე სომხები, ებრაელები, რუსები, ოსები, ბერძნები, უკრაინელები და სხვა.მუნიციპალიტეტის ადმინისტრაციული ცენტრი 1921 წლიდან ქალაქი ხაშურია. იგი პირველად 1693 წლით დათარიღებულ დოკუმენტში გვხვდება. დოკუმენტი იმაზეც მიგვანიშნებს, რომ ხაშური როგორც დასახლებული პუნქტი უფრო ადრეც არსებობდა. ვიდრე ეს წერილობით წყაროებშია დაფიქსირებული. XVIII საუკუნის ბოლოს იოანე ბატონიშვილის “კალმახობის” მიხედვით. ხაშური საშუალო სოფელია. აქ დგას მაღალი კოშკი. აგრეთვე წმინდა .მარინეს ეკლესია.ქალაქის ტიპის დასახლებას ხაშურში საფუძველი XIX საუკუნის 60_იანი წლებიდან ჩაეყარა., რასაც ხელი შეუწყო საქართველოში რკინიგზის გაყვანამ. მთავარი სარკინიგზო ხაზი _ ფოთი_თბილისი _ ხაშურზე გადიოდა: აქვე გაიხსნა რკინიგზის მთავარი სახელოსნოები, რომლებიც ერთ_ერთ დიდ საწარმოებს წარმოადგენდა ამიერკავკასიის მაშტაბით. ამ პერიოდთან ხაშური ჩამოყალიბდა რკინიგზის მნიშვნელოვან კვანძად, რამაც ხელი შეუწყო მის ქალაქად გარდაქმნას.ხაშურის მოხერხებული გეოგრაფიული მდებარეობა მასზე გამავალი სარკინიგზო და საავტომობილო მაგისტრალები საქართველის ნებისმიერ რეგიონთან უმოკლეს დროში დაკავშირების საშუალებას იძლევა.1872 წელს, კავკასიაში მეფის ნაცვლის, დიდი მთავრის მიხეილი ნიკოლოზის ძე რომანოვის მოღვაწეობის ათი წლისთავის აღსანიშნავად, ხაშურს ეწოდეს მიხაილოვო. 1918 წელს მას ისევ ძველი სახელწოდება დაუბრუნეს. 1927_1934 წლებში სტალინისი ეწოდა, ხოლო შემდეგ კვლავ ხაშური ჰქვია.ხაშურის რაიონს საინტერესო ისტორიული წარსული აქვს. იგი საქართველოს ისტორიის განუყოფელი ნაწილია, ის რაც საუკუნეების განმავლობაში გამოიარა ქართველმა ხალხმა, სისხლხორცეულად არის დაკავშირებული რაიონის ცხოვრებასთან. ხაშურის რაიონს, ისევე როგორც საქართველოს სხვა რეგიონებს, თანაბრად შეეხო საქართველოს ისტორიაში მომხდარი ცნობილი მოვლენები. ქვეყანაში შექმნილი ვითარება განაპირობებდა რაიონში პოლიტიკურ და ეკონომიკურ, ასევე კულტურული ცხოვრების დონეს.